பயனுள்ள 5 websites பத்தி பார்ப்போம் (கொஞ்சம் பயனுள்ளதா இருக்கும்னு நினைக்கிறேன்)

1.  Duolinga

இது ஒரு Language learning website இந்த வெப்சைட் மூலமா சுலபமா நமக்குத் தெரியாத சில மொழிகளைக் கத்துக்கலாம், ஆரம்பம் முதல் நல்ல கத்துக்கலாம் நம்ம தமிழ் மொழியை உயிர் எழுத்துக்கள் அதுல இருந்து கத்துகிறது போலத்தான்.

வேற எதாவது ஒரு மொழி கத்துக்கணும் அப்டினு ஆசை பட்றவங்க இந்த வெப்சைட் தாராளமா போலாம்.ரொம்ப பெருசா Expert Levelku கத்துக்க முடியாடியும் ஒரளவுக்கு கத்துக்கலாம். 

வெப்சைட் லிங்க்

2. Coursera 

இது ஒரு Learning Websites இந்த வெப்சைட்ல நிறைய Free courses இருக்கு, அது மூலமா உங்களக்கு விருப்பமான எதாவது ஒரு course எடுத்துப் படிக்கலாம் முழுவதும் free அப்டினு சொல்ல முடியாது அந்த course முழுவதும் முடித்தபிறகு உங்களுக்கு certificate வேணும்னா நீங்கப் பணம் கட்டணும்.தேவை இல்லையென்றால் பணம் ஏதும் கட்டத்தேவையில்லை.

வெப்சைட் லிங்க்

3. Documentry Heaven

இது ஒரு அற்புதமான வெப்சைட், இந்தச் சைட் மூலமா உலகத்துல நடந்த வினோதமான விஷயங்கள், முக்கியமான வரலாற்று  நிகழ்வுகள் பத்தின எல்லாம் Documentrya பார்க்க முடியும், அதுமட்டும் இல்லாம நிறைய titlesla நிறைய Documentry இருக்கு, இது கண்டிப்பா Research பண்றவங்களுக்கு பயனுள்ளதா இருக்கும், கண்டிப்பா போய்ப் பாருங்க.

வெப்சைட் லிங்க்

4. Htwins

இந்த வெப்சைட் நம்ம வீட்ல உள்ள குழந்தைகளுக்கு ரொம்ப பயனுள்ளதா இருக்கும், ஏன் நமக்குக் கூடப் பயனுள்ளதா இருக்கும்னு கூடச் சொல்லலாம்.இந்த வெப்சைட் மூலமா உலகத்துல உள்ள எல்லா பொருட்கள், விலங்குகள், இடங்கள் ஒட அளவுகளைத் தெரிந்து கொள்ளலாம் அது மட்டும் இல்லாம அதைப் பத்தி கொஞ்சம் சின்னதா விளக்கமும் கொடுத்து இருப்பாங்க.

வெப்சைட் லிங்க்

5. Stars.chromeexperiment

இந்த வெப்சைட் மூலமா சூரிய குடும்பம் அதாவது (Solar System) இதைப் பத்தி நல்ல தெரிந்து கொள்ளலாம். இந்த வெப்சைட் உள்ள போனவுடனே Top Left Cornerla Take a Tour அப்டினு ஒரு Play Button இருக்கும் அதை மட்டும் Click பண்ண போதும், Automatica Play ஆகும்.இது மூலமா கொஞ்சம் solar system பத்தி தெரிந்து கொள்ளலாம். செமயா இருக்கும். 

வெப்சைட் லிங்க்

அரசு மருத்துவமனைகளுக்கு மூடு விழா நடத்தப்போகும் மத்திய அரசு.

இந்தியாவின் எட்டு பெரும் நகரங்களை தவிர்த்து மற்ற மாநிலங்களிலுள்ள அனைத்து மாவட்ட மருத்துவமனைகளிலும் உள்ள வளாகத்தில் 50 அல்லது 100 படுக்கை வசதிக்கொண்ட கட்டிடத்தை தனியாருக்கு 30 வருடங்களுக்கு கொடுக்க வழிவகை செய்யும் ஒரு ஒப்பந்தத்தை அனைத்து மாநில அரசுக்கும் மத்திய நிதி ஆயோக் மற்றும் மத்திய சுகாதார மற்றும் குடும்ப நல அமைச்சகம் அனுப்பியிருக்கிறது.

இதன் மூலம் இந்தியாவில் பெரும்பாலான மக்கள் நம்பிக்கொண்டு இருக்கும் அரசு மருத்துவமனைகளையே இல்லாமல் செய்யும் வேலையை மத்திய அரசு செய்ய துணிந்திருக்கிறது. ஏற்கனவே 2012-இல் குஜராத் முதல்வராக மோடி இருந்த போது புஜ் அரசு மருத்துவமனையை அதானி குழுமத்தின் மருத்துவ கல்லூரிக்காக 99 வருடத்திற்கு குத்தகைக்கு விட்டவர்தான் இப்போது நாட்டிலுள்ள ஒட்டுமொத்த மாவட்ட மருத்துவமனைகளையும் தனியாருக்கு கொடுக்க முன்வருகிறார்.

ஏற்கனவே 'நீட்' எனும் சட்டத்தினால் தனியார் மருத்துவ கல்லூரிகளுக்கு சாதகமாக செயல்பட்ட மோடி அரசு, இப்போது இந்த புதிய ஒப்பந்தத்தால் அரசு மருத்துவமனைகளை தனியாருக்கு கொடுக்க வேலை செய்கிறது. இந்த ஒப்பந்தத்திற்கு இரண்டு வார காலத்திற்குள் மாநில அரசுகள் பதிலளிக்க வேண்டுமென்று நிதி ஆயோக்கின் தலைமை நிர்வாக அதிகாரி அமிதாப் காந்த் தெரிவித்திருக்கிறார்.

இந்த ஒப்பந்தத்தை தமிழக அரசு ஆரம்ப நிலையிலேயே எதிர்க்க வேண்டும். அதுபோலவே எல்லா மாநிலங்களும் இதனை ஆரம்ப நிலையிலேயே எதிர்க்க வேண்டும். இல்லையென்றால் இதனால் வரக்கூடிய விளைவுகள் இந்திய சமூகத்தில் மிக மோசமானதாக இருக்கும்.

பெருங்குழப்பம் -தேர்தலால்

இன்று காலையில் இருந்து ஒரே குழப்பமா இருந்தது. கடந்த நாடாளுமன்ற தேர்தலின் போது மிகவும் கஷ்டப்பட்டு , அலையோ அலையோன்னு அலைஞ்சி ஒரு வழியா என் பெயரை வாக்காளர் பட்டியலில் சேர்த்தேன் ..
தொடர்ந்து வந்த நாடாளுமன்றத் தேர்தல் , சட்டசபை தேர்தல் , உட்கட்சித் தேர்தல் சாரி உள்ளாட்சித் தேர்தல் அனைத்திலும் என்னுடைய கடமையை செய்தேன் . உரிமையை உறுதி செய்தேன் .
ஆனால் சில பல மாதங்களாக வாரங்களாக வரும் தேர்தல் சமந்தமான செய்திகள் எனக்கு அடி வயிற்றில் புளி, மிளகாய்தூள் என ஒன்னு விடாம எல்லாத்தையும் கலக்கியன ..   அது என்னன்னா எப்ப பார் இந்த தேர்தல் ஆணையம் திருத்திய வாக்காளர் பட்டியல் னு அப்பப்ப ஒன்னு விடும் .
இந்த பட்டியல்ல எங்க நம்ம திருத்தி இருப்பாங்களோன்னு தான் எனக்கு குழப்பம் கொஞ்ச நாளா இருந்தது . நாட்டிலேயே கொஞ்சம் நேர்மையான துறை என்றால் அது தேர்தல் ஆணையம் தான் என்ற நம்பிக்கை எனக்கு எப்போதும் உண்டு . ஆனா இதன் அடிமட்ட ஊழியர்களின் நேர்மை தான் ஊரறிந்த விசயமாச்சே ..
சரி இதுக்கு என்னதான் தீர்வு னு கொஞ்சம் இருந்த மூளையையும் கசக்கி பிழிந்து யோசிச்சப்போ தான் தேர்தல் ஆணையத்தின் அதிகாரப்பூர்வ தளம் கண்ணில் பட்டது .
அந்த தளத்திற்கு போய் மாவட்டம், தொகுதி,வாக்குசாவடி பெயர் , என் பெயர் இதையெல்லாம் கொடுத்து தேடினேன் …  இதோ என் பெயர் இருக்கிறது .ஆஹா எனக்கு வெற்றி வெற்றி ..  பருவதேர்வில் முதல் மதிப்பெண் பெற்ற சந்தோசம் என்னை ஆக்கிரமித்தது ..
ஆனால் இந்த சந்தோசம் கொஞ்ச நேரத்தில் காலாவதி ஆகிவிட்டது. என் பெயர் நேரே எதிர் வீட்டின் முகவரியும் கதவும் என்னும் இருந்தது. அதே மாதிரி அந்த வீட்டில் இருக்கும் ஒரு பெண்ணின் பெயர் எங்கள் வீட்டு முகவரியில் இருந்தது . நான் அப்படியே ஆடிப்போய்ட்டேன்.
எங்களுக்கும் அவங்களுக்கும் எப்பவும் ஏழாம் பொருத்தம் தான் . கொஞ்சம் கூட ஆவாது இதுல இது வேறையானு நொந்துகிட்டேன் . எனக்கு இப்போதைக்கு எந்த பிரச்சினையும் இல்ல . ஆனா ஓட்டு போடும் போது அங்கு அமர்ந்திருக்கும் எங்க ஏரியா பூத் ஏஜண்டுகள் இந்த விசயத்தை ஊத்தி பெருசாக்கிட்டா மறுபடியும் ஒரு பஞ்சாயத்து நடக்குமேன்னுதான் ஒரே கவலையா இருக்கு . இந்த லட்சணத்துல அந்த பொண்ணு எனக்கு ஒரு வழில முறையா வருது . எதுனா 7 1 /2 கூட்டாம இருந்தா சரி (இந்த பெயர் மாற்றத்துல என்னோட உள்  குத்து வெளி குத்து  எதுவும்  இல்லை நாளைக்கு பஞ்சாயத்துல நிருபிக்க ஆதாரம் தேடிக்கொண்டு இருக்கிறேன் )
இந்திய தேர்தல் ஆணையத்துக்கும் , அவர்களுக்கு வேலை செய்யும் ஊழியர்களுக்கும், அடிக்கடி வீட்டுக்கு வந்து நாங்க வீட்ல தான் இருக்கோமான்னு சோதனை செய்து லிஸ்ட் எடுக்கும் ஆசிரிய நல் உள்ளங்களுக்கும் , கிராம நிர்வாக அலுவலர்களுக்கும் அவருடைய  உதவியாளர்களுக்கு பணிவன்புடன் கேட்டுகொள்வது என்னவென்றால் தயவுசெய்து கொஞ்சம் நிதானமா வேலை செய்யுங்க .

வன்தட்டின் நிலையை அறிய

இதயங்கனிந்த நன்றி   தமிழ் கம்பூயூட்டருக்கு

கணினியில் இயங்குதளத்தினை அடிக்கடி நிறுவும் போது வன்தட்டின் ஆயுள் காலம் குறைந்து விடும். மேலும் தேவையில்லாமல் கணினியில் அப்ளிகேஷன்களை கணினியில் நிறுவி பின் நீக்கும் போது வன்தட்டிற்கு பிரச்சினை ஏற்படக்கூடும். 

வன்தட்டினை முறையாக பராமரிக்காமல் இருந்தால் ஆயுள்காலம் கண்டிப்பாக குறைந்துவிடும்.  சில நேரங்களில் கணினியில் ஒன்றுக்கு மேலான அப்ளிகேஷன்களில் பனியாற்றிக்கொண்டிருக்கும் போது தீடிரென கரன்ட் இல்லாமல் கட் ஆகிவிடும். அப்போது கணினியில் நிலை கண்டிப்பாக பாதிக்கப்படும். மேலும் வன்தட்டானது சில நேரங்களில் பிரச்சினையை ஏற்படுத்தும். ஊதா நிற விண்டோ தோன்றி வன்தட்டானது சரியாக இல்லை அதை மாற்றம் செய்ய சொல்லும். 

இதுபோன்ற பிரச்சைகள் வரும் முன்னரே நம் கணினியில் வன்தட்டில் என்ன நிலையில் உள்ளது என்பதை நம்முடைய இயங்குதளத்தின் உதவியுடன் அறிந்துகொள்ள முடியும்.

இதற்கு முதலில் வின்கீ+R கீகளை ஒருசேர அழுத்தவும். அப்போது Run சாளரப்பெட்டி திறக்கும். அதில் cmd என்று உள்ளிட்டு OK பொத்தானை அழுத்தவும். அடுத்து கட்டளை பலகை ஒப்பன் ஆகும் அதில் wmic என்று உள்ளிட்டு என்டர் பொத்தானை அழுத்தவும்.

அடுத்து diskdrive get status என்று தட்டச்சு செய்து என்டர் பொத்தானை அழுத்தவும்.

உங்கள் வன்தட்டானது நன்றாக இருந்தால் OK என்ற செய்தி வரும். மிகவும் நன்றாக இருப்பின் OK OK என்று வரும். அதிலிருந்தே தெரிந்து கொள்ள முடியும். கணினியினுடைய வன்தட்டின் நிலையை.

 மீண்டும் இதயங்கனிந்த நன்றி   தமிழ் கம்பூயூட்டருக்கு

உலகின் தொல் நாகரீகமே தமிழர்களுடையது அகழ்வாராய்ச்சி முடிவுகளை இந்திய மத்திய அரசு மூடிமறைப்பு.

தாமிரபரணி ஆற்றின் கரையில் ஆதிச்சநல்லூர் என்ற ஊர் உள்ளது. இது ஓர் இடுகாடு. இறந்தவர்களைப் புதைத்த இடம். இதன் பரப்பளவு 114 ஏக்கர். இங்கு 4 அடிக்கு ஒருவர் வீதம் தாழிகளில் இறந்தவர்களை வைத்துப் புதைத்துள்ளனர். தாழி என்றால் பானை என்பது பொருள். இவ்வாறு புதைக்கப்பட்ட பானைகளை முதுமக்கள் தாழி என்றும் ஈமத்தாழி என்றும் கூறுவர்.

தென்பாண்டி நாட்டில் இத்தாழிகள் ஏராளம் உண்டு. ஆதிச்ச நல்லூரில் ஆயிரக்கணக்கான தாழிகள் வரிசை வரிசையாகக் கிடைக்கின்றன. இதுதான் உலகிலேயே மிகப்பெரிய இடுகாடாகும். அது மட்டுமல்ல பத்தாயிரம் ஆண்டுகளுக்கு முன்னர் இவர்கள் புதைக்கப்பட்டுள்ளனர் என்பதும் இங்கே குறிப்பிடத்தக்கது.

இந்த ஆதிச்ச நல்லூர்… ஏறத்தாழ பத்தாயிரம் ஆண்டுகளுக்கு முன்பாக நமது மக்கள் நாகரீகத்தோடு வாழ்ந்த ஊர். ஆச்சரியமாக இருக்கிறதா?..ஆம் அதுதான் உண்மை. இந்த இடுகாடு[?]. கி.மு பத்தாம் நூற்ராண்டுக்கும் முந்தையது. இன்றைய ஆய்வுகள் மேலும் ஒரு ஆயிரம் வருடங்களை பின்னுக்குத் தள்ளலாம் என்று தெரிவிக்கின்றன. நாம் அறிந்த எந்த இந்திய சரித்திர காலகட்டத்துக்கும் முந்தைய காலகட்ட மக்களின் இடுகாடு இது.

தமிழ்க்குடியின் தொன்மைக்கான முதற்பெரும் தொல்பொருட் சான்றும் இதுவே. ஏறக்குறைய கிருஸ்து பிறப்பதற்கு எண்ணூறு வருடங்கள் முன்பே இங்கு நாகரீகம் மிகுந்த மக்கள் வாழ்ந்திருக்கிறார்கள். இதனை முதன் முதலில் கண்டுபிடித்தவர் ஜெர்மனி நாட்டைச் சேர்ந்த டாக்டர். ஜாகர் என்பவர்தான்.

1876 -ஆம் ஆண்டு இந்த பகுதியில் ஆராய்ச்சிக்காக வந்த அவர் கண்டுபிடித்ததுதான் இந்தத் தொல் தமிழர்களது நாகரீகம். அந்த ஜாகர் தான் கண்டுபிடித்தவற்றில் பலவற்றை ஆதாரத்துக்காக ஜெர்மனுக்கே எடுத்துச் சென்றுவிட்டார். அப்பொருட்கள் இன்னமும் ஜெர்மனியில் உள்ள பெர்லின் அருங்காட்சியகத்தில் இருக்கிறது.

பிரஞ்சு நாட்டைச் சார்ந்த லூயி வேப்பிக்கியூ என்ற அறிஞர் 1903 ஆம் ஆண்டு ஆதிச்ச நல்லூர் வந்து சில தாழிகளைத் தோண்டி எடுத்தார். அப்போது மண்வெட்டி, கொழு முதலியன கிடைத்தன. ஆதிச்ச நல்லூரில் அகழ்வாய்வில் கிடைத்த அந்தப் பொருள்களை அவர் பாரிசுக்கு எடுத்துப்போய்விட்டார்.

இவ்வாறு ஆதிச்ச நல்லூரில் கிடைத்த மிகத்தொன்மை வாய்ந்த பொருள்கள் மேல் நாட்டிற்கு எடுத்துச் செல்லப்பட்டன. அந்த புதைபொருள் சின்னங்கள் கிடைத்தால் ஆதிச்சநல்லூரின் தொன்மையான வரலாறு நமக்குத் மேலும் தெரியும்.

1905 ஆம் ஆண்டு சென்னை அருங்காட்சியக மதிப்புறு துணைக் கண்காணிப்பாளர் அலெக்சாந்தர் ரீயா அவர்கள் ஆதிச்சநல்லூர் வந்து மிகவும் நுணுக்கமாக அகழ்வாய்வு செய்து ஒரு பட்டியல் தயாரித்துக் கொடுத்ததோடு அகழ்ந்தெடுத்த பொருள்கள் அனைத்தையும் சென்னை அருங்காட்சியகத்தில் இடம்பெறச் செய்தார்.

இவரும் இங்குள்ள மக்கள் பயன்படுத்திய முதுமக்கள் தாழி, ஆபரணங்கள், எழுத்துக்கள் போன்றவற்றை அகழ்வாராய்ச்சி மூலம் ஆராய்ந்து பார்த்து விட்டு அதிர்ச்சியில் உறைந்து போனார்.

இதிலென்ன அதிர்ச்சி இருக்கிறது? என நினைக்கிறீர்களா? அந்த அதிர்ச்சிக்கு காரணம் அந்த அகழ்வாராய்ச்சியில் கண்டுபிடிக்கப்பட்ட அன்றைய மக்கள் பயன்படுத்திய இரும்பால் ஆன கருவிகள்தான். "மூவாயிரம் ஆண்டுகளுக்கு முன்பே இங்கு வாழ்ந்த தமிழர்கள் இரும்பைப் பயன்படுத்தி இருக்கிறார்கள் என்றால், அதை உருக்குவதற்கான உலைகளை எங்கு வைத்திருந்தார்கள், அதை செதுக்குவதற்கும் சீராக்குவதற்கும் எத்தகைய தொழில் நுட்பங்களைக் கையாண்டார்கள், அப்படியாயின் இவர்களது நாகரீகம்தான் மற்ற அனைத்து நாகரீகங்களுக்கும் முற்பட்ட நாகரீகமாக இருந்திருக்க வேண்டும் அல்லவா?.

பத்தாயிரம் ஆண்டுகளுக்கு முன்பே தமிழர்கள் இரும்பைக் கண்டுபிடித்து தேன் இரும்பு, வார்ப்பு இரும்பு, எஃகு இரும்பு ஆகியவற்றை உருவாக்கி இருக்கின்றனர் . பயிர்த்தொழில், சட்டிப்பானை வனையும் தொழில், நெசவுத் தொழில், கப்பல் கட்டும் தொழில் போன்றவற்றை இரும்புக் கருவிகள் மூலம் திறம்பட வளர்த்து கடல் வாணிபம் செய்து உலகப் புகழ்பெற்றவர்கள் தமிழர்கள் என ஆதிச்சநல்லூரில் கிடைத்த அகழ்வாய்வுச் சின்னங்கள் உறுதிப்படுத்துகின்றன. திராவிடர்கள் குறிப்பாக தமிழர்கள் வெளிநாட்டிலிருந்து இங்கு வந்தார்கள் என்ற கருத்துக்கு இந்த அகழ்வாய்வுச் சின்னங்கள் முடிவு கட்டியது குறிப்பிடத்தக்கதாகும்.

மிகத் தொன்மையான காலத்திலிருந்தே இரும்பைப் பிரித்தெடுத்து அதை பல பொருள்களாகச் செய்து பயன்படுத்துவதில் தமிழர்கள் கைதேர்ந்தவர்கள் என்று அறியமுடிகிறது. சங்க இலக்கியத்தில் இரும்பினால் செய்யப்பட்ட பொருள்கள் உவமையாகக் கூறப்பட்டுள்ளன.

மிகத் தொன்மையான காலத்திலேயே தமிழர்கள் எகிப்து, ஆப்பிரிக்கா, சுமேரியா, கிரீஸ், மெக்சிகோ முதலிய நாடுகளுக்கு இரும்புப் பொருள்கள் ஏற்றுமதி செய்து வந்தனர். எகிப்தியர்களும், கிரேக்கர்களும் இந்திய நாட்டில் இருந்துதான் இரும்பை உருக்கி பயன்படுத்தும் முறைகளை அறிந்தனர் என்று கூறப்படுகிறது.

1837ஆம் ஆண்டு இராயல் ஏஷியாட்டிக் சொசைட்டியில் சமர்ப்பித்த ஆய்வுக்கட்டுரை ஒன்றில் அறிஞர் ஹீத் என்பவர் தென் இந்தியாவில் செய்யப்பட்ட எஃகுப் பொருள்களே எகிப்துக்கும், ஐரோப்பா கண்டத்திற்கும் ஏற்றுமதி செய்யப்பட்டன என்று எடுத்துக்காட்டியுள்ளார்.

மெக்சிகோ நாட்டிலுள்ள பிரமிடுகளில் தமிழனின் கைவினைக் கலைகளைக் காணலாம். அண்மையில் எகிப்தில் கிடைத்த தமிழ் பிராமி கல்வெட்டிலிருந்து சாத்தன், கண்ணன் என்ற இரண்டு தமிழர்கள் கடல் பயணம் செய்து எகிப்து நாடு சென்று அங்கே கொல்லன் பட்டறை ஒன்று நிறுவி, பணி செய்ததாக கல்வெட்டு அறிஞர் ஐராவதம் மகாதேவன் குறிப்பிட்டுள்ளார். பிரமிடுகள் கட்டப் பயன்படுத்திய கற்களை செதுக்குவதற்குரிய உளிகள் இந்த கொல்லன் பட்டறையில் உருவாகி இருக்க வேண்டும். தமிழனின் இரும்பு நாகரிகத்தை வெளிப்படுத்தியது இந்த ஆதிச்ச நல்லூர்தான்.

அதனைத் தொடர்ந்து சகர்மேன் என்ற அறிஞர் ஆதிச்சநல்லூரில் கிடைத்த மண்டைஓடுகள் பற்றி ஒரு நூல் வெளியிட்டார். ஆதிச்ச நல்லூரில் அகழ்ந்து எடுக்கப்பட்ட மண்டை ஓடுகள் திராவிடர்களின் மண்டை ஓடுகள் என்றும், ஒன்று மட்டும் ஆஸ்திரேலிய பழங்குடி மக்களின் மண்டை ஓடு என்றும் அவர் கூறியுள்ளார்.

எனவே திராவிடர்களின் முன்னோர்கள் ஆஸ்திரேலிய நாட்டு பழங்குடி மக்களோடு தொடர்பு கொண்டிருந்தனர் என்று தெரியவருகிறது. அங்குள்ள பழங்குடி மக்கள் பேசும் மொழியில் தமிழ்ச் சொற்கள் இடம் பெற்றுள்ளமை இங்கே குறிப்பிடத்தக்கது. ஆஸ்திரேலியா தென் இந்தியாவோடு இணைந்திருந்தது என்ற கருத்தை மட்டுமல்ல குமரிக் கண்ட கோட்பாட்டையும் இது உறுதி செய்கிறது என்றும் கூறலாம். ஆஸ்திரேலிய பழங்குடி மக்கள் பயன்படுத்திய பூமராங் என்னும் ஒருவகை ஆயுதம் தமிழகத்தில் கிடைத்துள்ளதும் இங்கே குறிப்பிடத்தக்கது. பகைவர் மீது எறிந்தால் அவர்களைத் தாக்கிவிட்டு வீசியவர்கள் கைக்கு திரும்ப வரும் ஒருவகை ஆயுதம்தான் பூமராங்.

ஆதிச்சநல்லூரில் கிடைத்த தாழிகளில் மண்வெட்டி, கொழு, நெல், உமி, பழைய இற்றுப்போன பஞ்சாடை ஆகியவை கிடைத்துள்ளன என்பது குறிப்பிடத்தக்கது. ஆதிச்ச நல்லூரில் புதைக்கப்பட்டவர்கள் தாமிரபரணி கரையில் நெல், பருத்தி ஆகியவற்றை விவசாயம் செய்தது மட்டுமல்ல நெசவுத் தொழிலும் செய்து வந்தனர் என்று அறியமுடிகிறது.

ஆதிச்சநல்லூரில் அகழ்வாய்வு செய்ததில் டாக்டர் கால்டுவெல்லுக்கும் முக்கியமான பங்கு உண்டு. தாழியில் சில அரிய பொருட்களை அவரே கண்டெடுத்து அவற்றைப் பற்றிய செய்திகளை வெளியிட்டுள்ளார். ஆதிச்சநல்லூரில் வாழ்ந்த மக்கள் நாகரிகம் மிக்கவர்கள் என்ற கருத்தை டாக்டர் கால்டுவெல் வெளியிட்டார்.

ஆதிச்சநல்லூரின் மண்ணுக்குள் புதையுண்டு கிடக்கும் பூமியில் ஒரு பரபரப்பான நகரமே இயங்கிக் கொண்டிருந்திருக்கிறது. அங்கு வாழ்ந்த மனிதர்கள் வெள்ளி, செம்பு, தங்கத்தால் ஆன ஆபரணங்களைப் பயன்படுத்தி இருக்கிறார்கள். அழகிய மதிற்சுவர்கள் இருந்திருக்கின்றன. ஆனால் இன்றைக்கு அது யாரும் கேள்வி கேட்பாரற்ற பொட்டல்காடு.

ஏனிந்த நிலைமை என்று பார்த்தோமானால். "எல்லாம் அந்த பாழாய்ப்போன அரசியல்தான்" எல்லாம் இந்த வடக்கத்தியர்களுக்கு தமிழன் மேல் உள்ள காழ்ப்புணர்ச்சிதான். இதுதான் இன்றைய ராமேஸ்வரம் மீனவன் முதற்கொண்டு ஈழம் வரை நடந்து கொண்டிருக்கிறது.

இந்த ஆய்வுகளை ஒப்புக் கொண்டால் உலகின் தொல் நாகரீகமே தமிழர்களுடையது என்றாகிவிடுகிறது. அப்படியாயின் வெள்ளையர்களும் வடக்கத்தியர்களும் கண்டுபிடித்தவை எல்லாம் இதற்குப் பிந்தைய நாகரீகங்கள்தான் என்பதை ஒப்புக்கொண்டதாகி விடும். இதுதான் பிரச்னை.

இப்போது இங்குள்ள 150 ஏக்கர் நிலத்தை மத்திய அரசின் தொல்லியல் துறை சுற்றி வளைத்து கையகப்படுத்தி வைத்திருக்கிறது. 2005 ஆம் ஆண்டு அத்துறை செய்த ஆய்வுகளின் முடிவுகளைக் கூட இன்னமும் வெளிவிடாமல் வைத்திருக்கிறது. வேறு யாரும் இங்கு ஆய்வுகளை மேற்கொள்ளக் கூடாது என்று ஓர் உத்தரவையும் போட்டிருக்கிறது. இதுதான் இன்றைய சோகம்.

இதைச் உலகறியச் செய்யவேண்டியது மத்திய அரசு, செய்ய வலியுறுத்த வேண்டியது தமிழக அரசு.

மொபைல் போன்களின் முக்கிய எண்கள்… [Mobile Phone Important Codes]

செல்லிடப்பேசி முக்கிய எண்கள்… [Mobile Phone Important Codes]

*#06# –        அனைத்து மொபைலுக்கும் IMEI எண் பார்க்க

*#0000# –     தயாரிப்பு தேதி பார்க்க

#*2472# –    தங்கள் போனின் சார்ஜிங் நிலைமை அறிய

*#7780# –    பேக்டரி அமைப்பை கொண்டுவர

*8375# –      மொபைல் போனில் உள்ள சாப்ட்வேர் தொகுப்பின்   பதிப்பு எண் என்று அறிய

*#9999# – தங்கள் போனின் சாப்ட்வேர் சார்ந்த தகவல்களை அறிய

*#0001# –

*#8999*778# – சிம் கார்ட் பற்றிய தகவல்களை அறிய

#*#8377466# – போனின் ஹாட்வேரின் தன்மை மற்றும் தயாரிப்பு அறிய

*#67705646# – clears the LCD display(operator logo).

*#147# – This lets you know who called you last (Only vodofone).

*#1471# – Last call (Only vodofone).

#pw+1234567890+1# – Provider Lock Status.

#pw+1234567890+2# – Network Lock Status.

#pw+1234567890+3# – Country Lock Status.

#pw+1234567890+4# – SIM Card Lock Status.

*#21# – This phone code allows you to check the number that “All Calls” are diverted to.

*#2640# – Displays phone security code in use.

*#30# – Lets you see the private number.

*#2820# – ப்ளுடுத் முகவரி பார்க்க

2945*#01*# – எல்ஜி போனின் ரகசிய மெனுவினைக் கொண்டு வர

2945#*70001# – போன்களின் (எல்ஜி 7010 மற்றும் 7020) சிம் கார்ட் லாக்கினை மேனேஜ் செய்திட

1945#*5101# – எல்.ஜி. பி 1200 போனின் சிம் லாக் மெனு மேனேஜ் செய்திட

2945#*5101# – எல்.ஜி. பி 5200 மற்றும் 510 டபிள்யூ போன்களின் சிம் லாக் மெனு மேனேஜ் செய்திட

2947#* – எல்.ஜி. 500 மற்றும் 600 போன்களின் சிம் லாக் மெனு மேனேஜ் செய்திட

#*3849# – சாம்சங் மொபைல் போனை மீண்டும் Reboot செய்ய

*#62209526# – Display the WLAN adapter’s MAC Address. It is available only for newer devices which support WLAN such as N80.

*#746025625# – Sim clock allowed status.

#pw+1234567890+1# – Displays any restrictions that your sim has.

*#92702689# – Takes you to a secret menu where you may find some of the information below:

1. Shows the Serial Number.

2. Shows the Month and Year of your mobile Manufacture.

3. Shows the date at which the mobile was purchased (MMYY).

4. Shows the life time of your mobile (time passed since last restart).

5. Shows the date at which your mobile was last repaired – if found (0000)

To exit from this mode, simply switch off and then switch on your mobile phone.

*#3370# – Enhanced Full Rate Codec (EFR) activation.

- This enables your mobile to work with increased signal strength, use better signal reception.

- This also helps you increase your GPRS speed to some extent.

- It has drawback that your phone battery will be consumed

*#3370* – Enhanced Full Rate Codec (EFR) deactivation. Phone will be automatically restarted automatically. Your battery life will increase by 30% but, phone will received less signal than with EFR activated.

*#4720# – used to activate Half Rate Codec. Your phone uses a lower quality sound but you should gain approx 30% more Talk Time.

*#4720* – used to deactivate Half Rate Codec. The phone will be restarted automatically.

If you have forgotten wallet code for your Nokia S60 phone, you can use this code reset: *#7370925538#

Note, your data in the wallet will be erased. You will be asked the lock code. Default lock code is: 12345

*#3925538# – used to delete the contents and code of wallet.

thanks 

Anas Abbas

ஒரு பெண் பத்திரிகையாளரின் குமுறல்!

வினவின்சன் டிவி: சிக்கிய ராஜாவை வைத்து சிக்காத ராஜாக்களைப் பிடிப்போம்! கட்டுரைக்கு வந்த பின்னூட்டத்தை அவசியம் கருதி இங்கே தனிப்பதிவாக வெளியிடுகிறோம்.

 

ஐயா ரொம்ப வருஷத்துக்கு முன்னமே நீங்க செஞ்சிருக்க வேண்டிய விஷயம்… ரொம்ப லேட்டா வந்திருந்தாலும் உங்ககிட்டேயிருந்து ஆதரவு வர்றது என்னைய மாதிரி ஒடுக்கப்பட்ட, ஆதரவற்ற ஊடகப் பெண்களுக்கு அவசியம்தாங்க.

நான் இப்போ ஊடகத்துல இல்லீங்க. ஆனா நீங்க கட்டுரையில சொல்ற ‘சாரு’ங்களால பாதிக்கப்பட்டு மீடியாவை விட்டே ஓடிப்போன பல பெண்கள்ல நானும் ஒருத்தி. ‘பராசக்தி’ல கலைஞர் ஐயா எழுதின ஒரு ஃபேமஸான வசனம்தான் ஞாபகத்துக்கு வருது. ‘ஓடினாள், ஓடினாள்… வாழ்க்கையின் ஓரத்திற்கே ஓடினாள்’னு வருமே… அந்த வசனம் எங்களைப் போல நேர்மையா, உண்மையா இருக்கணும்னு நினைக்கிற ஊடகப் பெண்களுக்கு ரொம்பவே பொருந்தும்.

சிறுபத்திரிகை, பெரும் பத்திரிகை, டிவி.ன்னு எல்லா விதமான மீடியாக்கள்லேயும் எங்களைத் தொறத்தறதுக்கு இவிங்க காத்திருக்காய்ங்க. எஸ்எம்எஸ் அனுப்பணும், நேரங்காலம் தெரியாம போன்ல கூப்ட நேரத்துக்கு பேசணும், பாத்ரூம் போறதுக்குக்கூட சாருங்ககிட்ட பர்மிஷன் வாங்கிட்டு போகணும், இந்த ஸ்டெப்ஸ்ல எல்லாம் தாண்டி வந்தா வேலை ரீதியாகவும் அடுத்த கட்டத்துக்கு போகலாம். வேற ரீதியாகவும் அடுத்த கட்டத்துக்கு போகலாம்.

எழுதத் தெரியுமா? பத்திரிகை அறம் தெரியுமா? சரிப்பா…உனக்கு ஒரு பேட்டி எடுக்கத் தெரியுமான்னு சாருங்களுக்கு எந்தக் கவலையும் கிடையாது. சாருங்க வெச்ச டெஸ்ட் எல்லாம் பாஸ் பண்ணா நீங்க அடுத்தடுத்து போய் கிட்டே இருக்கலாம்.

ஐயா எங்க குடும்பத்துல நான்தான் முதல்ல காலேஜ் வரைக்கும் படிச்ச பொண்ணு. பெரிய சாதியோ, அதிகாரம் உள்ள சாதியோ கிடையாது. பணமா? வாழ்க்கை ஃபுல்லா  கடனாளிங்கதான். கடன் வாங்கித்தான் படிச்சேன். நல்ல எழுதறேன்னு தான் பத்திரிகைல வேலை கிடைச்சது. பத்திரிகைகாரி ஆகணும்னு எனக்கு எந்த லட்சியமும் கிடையாது. 15 வயசு வரைக்கும் பத்திரிகையே படிக்காத குடும்பத்திலிருந்த வர்றங்களுக்கு அந்த லட்சியம் எல்லாம் வராதுங்க.

ஆனா நான் செய்ற வேலை எப்படிப்பட்டதுங்கற தெளிவு எனக்கு இருந்துச்சு. நேர்மையா இருந்தேன், எனக்கு வாய்ப்பு கிடைச்ச வரைக்கும் ஒரு பொண்ணு எதையெல்லாம் எழுத முடியாதுன்னு சொல்வாங்களோ அதையெல்லாம் எழுதினேன். ஆனா சாருங்களுக்கு அதெல்லாம் தேவையில்லாத விஷயம். சாருங்களுக்கு இணங்கி நடக்கலைன்னு பல சோதனைகள், பல வேதனைகள். எல்லாமே மறைமுகமான தாக்குதல்கள்தான். மனரீதியாக ஒடுக்கி, அடக்க நினைக்கிறது சாருங்களுக்கு கைவந்த கலை.

இதுல புள்ளி ராஜா சாரு பண்ணதுதாங்க என்னைய மீடியாவைவிட்டே தொரத்தி விட்டது. என்னை ஆறு மாசம் சும்மாவே ஒக்காத்தி வெச்சு சம்பளம் கொடுத்த மவராசன் அவரு. ஏதோ போகட்டும்னு கொடுத்த வேலையிலேயும் எழுத்துப் பிழை, ஒற்றுப் பிழையெல்லாம் கண்டுபிடிச்சு கேப்பாரு பாருங்க அடுக்கடுக்கான கேள்வி… ஆத்தாடி! சாருக்கு ஒரு தப்புகூட வந்துடக்கூடாது அவ்வளவு தமிழ் பற்று. அதனாலதான் திராவிடப்பற்று உள்ள மற்ற பத்திரிகைகாரங்க அவரை காப்பாத்தி விடறாங்க போலிருக்கு. (ஈழப்பிரச்னைக்கு ஆதரவு கொடுத்த சாருங்க பத்து பொண்ணுங்க வாழ்க்கையை நாசம் பண்ணியிருந்தாலும் நாங்க தோள்கொடுத்து காப்போம்னு பல பத்திரிகை தோழர்கள் காப்பாத்துவாங்க. ஐயா தோழர் மாரே நாங்களும் தமிழச்சிங்கதான். அங்க சிங்களவன் எங்களைத் தொறத்தரான்னா, இங்க சாரு மாறு தொரத்தராங்க. அங்கேயும் நாங்க நாசமாப் போறோம், இங்கேயும் போறோம். எங்களுக்காகவும் கொஞ்சம் கருணைக் காட்டுங்க. உங்க கண்ணு, மனசு எல்லாத்தையும் கொஞ்சம் தொறந்து வையுங்க.)

ஐயா எனக்கு அடிமேல் அடிபட்டு ஒரு கட்டத்துல சாதி, பணம், அதிகாரம் எந்த பின்னணியும் இல்லாத நாம பத்திரிக்காரியா இருக்கவே முடியாதுன்னு முடிவு பண்ணிட்டு, சும்மா வேலைக்குன்னு போயிட்டு வந்துக்கிட்டிருந்தேன். சாருங்க நீ போய் மாடு மேய்ன்னு திட்டினாக்கூட சிரிச்சிக்கினேதான் நிப்பேன். சாருங்களைப் பார்த்து பல்லை இளிக்கறதுன்னு இதுக்கு அர்த்தம் எடுத்துக்காதீங்க. நீ எதுக்காக என்னை திட்டறேன்னு தெரியும்டாங்கிற திமிருதான். இந்த திமிருதாங்க என்னை பலப் பல ஊடக சாருங்கக்கிட்டேயிருந்து காப்பாத்துச்சு.

ஆனா அப்பாவி பொண்ணுங்க என்ன பாடுபட்டாங்க தெரியுமா? எல்லார் முன்னாடியும் கதறி கதறி அழுவாங்க. அவமானத்தால கூனிக்குறுகி போவாங்க. சில மாதத்துல பெரிசா கூம்பிடு போட்டுட்டு போயிடுவாங்க. அந்த வெறுப்புலதான் நானும் விலகிட்டேன்.

ஆனா இப்போ எனக்கிருக்கிற கேள்வியெல்லாம்… சுதந்திரமா ஒரு பொண்ணு மீடியாவுல வேலைப் பார்க்கவே முடியாதா? தன் சொந்த திறமையில முன்னுக்கு வரவே முடியாதா? மீடியாவுக்கு பெண்கள் வர்றது வேலைப் பார்க்கறதுக்கா, இல்லை விபச்சாரம் பண்றதுக்கா? சாருங்களுக்கு என்னதான் வேணும்? ஐயா வினவுக்காரங்களே கேட்டு சொல்றீங்களா?

ஐயா என் எழுத்தை சாருங்கள்லாம் சேர்ந்து தற்கொலை பண்ணவெச்சுட்டாங்க. அதனால கொஞ்சம் கோபமா எழுதிட்டேன். மத்தபடி ஒடுக்கப்பட்ட, அடக்கப்பட்ட, துரத்தப்பட்ட என்னைய மாதிரி பொண்ணுங்களால வேற எதையும் செய்ய முடியாதுங்க.

- ஒரு பெண் பத்திரிகையாளர்.

உங்கள் பாஸ்வேர்டை திருட 10 நிமிடம் போதும்

ஒரு சில எழுத்துக்களும் எண்களும்தான் நம்முடைய வாழ்வையும், பாதுகாப்பையும் தீர்மானிப்பவையாக இருக்கின்றன. ஏடிஎம் கார்டுகள், கிரெடிட் கார்டுகள் உபயோகிக்கும் போதும், இணையத்தில் பொருள்களை வாங்கும்போதும், இணைய வங்கிக் கணக்கு, மின்னஞ்சல்களைத் திறக்கும் போதும் பாஸ்வேர்டு அல்லது பின் நெம்பர்களைப் பயன்படுத்துகிறோம்.

நாம் பயன்படுத்தும் பாஸ்வேர்டுகள் நமக்கு மட்டும் உரியதாக இருக்கவேண்டும். அப்படியில்லாமல் போனால் நம்முடைய பாதுகாப்பு கேள்விக்குரிய தாகிவிடும். நீங்கள் பயன்படுத்தும் எழுத்துகள் எளிமையானதாக இருந்துவிட்டால் ஹேக்கர்கள் எனப்படும் இணையத் திருடர்களுக்கு கொண்டாட்டம்தான்.
உங்கள் வங்கிக் கணக்கும், மின்னஞ்சலும் அவர்களுக்கு ஒரு சில நிமிடங்களில் சொந்தமாகிவிடும். பொதுவாக உலகம் முழுவதுமே பாஸ்வேர்டுகளை/பின் எண்களைப் பயன்படுத்துவோர் ஆங்கிலத்தில் சிறிய எழுத்துக்களையே (Small Case) அதிகமாகப் பயன்படுத்துகின்றனர். அதுவும் ஆறு எழுத்துக்கள் என்ற அளவில் என்று  புளூம்பெர்க் (Bloomberg) நிறுவனம் நடத்திய பாஸ்வேர்டு பயன்பாடு குறித்த ஆய்வில் தெரிவிக்கப் பட்டுள்ளது.
எழுத்துக்களில் Abc யும், எண்களில் 123456 ஆகிய பொதுவான வார்த்தைகளே உலகில் 50 சதவீதம் பேர் பாஸ்வேர்ட்களாக பயன்படுத்துகின்றனர் என்றும், இது போன்ற 6 இலக்க பாஸ்வேர்டை ஹேக்கர்கள் கண்டறிய பத்து நிமிடங்கள் போதுமானது என்றும் அந்த ஆய்வு தெரிவிக்கிறது. இதற்கு மாற்றாக ஆங்கிலப் பெரிய எழுத்துக்களுடன் (Upper Case) சிறப்புக் குறியீடுகளைச் சேர்த்துப் பயன்படுத்தினால் அதனைக் கண்டுபிடிக்க அதிகபட்சமாக 44,530 வருடங்கள் பிடிக்கும் என்று கணக்கிட்டுள்ளனர்.
மேலும் இந்த ஆய்வு பாஸ்வேர்டுகளை எப்படி அமைக்கலாம் என்றும் ஆலோசனை கூறியுள்ளது.அதன்படி பாஸ்வேர்டுகளை ஆறு இலக்கமாக வைக்க வேண்டாம் என்றும் அதனை குறைந்தபட்சம் ஒன்பது இலக்கமாக மாற்றிக் கொள்ள வேண்டும்.அந்த எழுத்துக்கள் ஆங்கிலப் பெரிய எழுத்தில் இருப்பதும், அதில் எண்களுடன் கலந்திருக்கும்படியும் அமைக்க வேண்டும். அத்துடன் சிறப்புக் குறியீடுகள் (Special Symbols) கலந்து அமைப்பது மிகவும் நல்லது என்றும் தெரிவிக்கப்பட்டுள்ளது.
எத்தகைய பாஸ்வேர்டு அமைத்தால் பாதுகாப்பு?
இதோ இந்தப் பட்டியலைப் பாருங்கள், உங்கள் பாஸ்வேர்ட் எத்தகையது என்பதை முடிவு செய்யுங்கள்.

6 எழுத்துக்கள்:
சிறிய எழுத்துக்கள் (Lower Case) : 10 நிமிடங்கள்
+ பெரிய எழுத்துடன் (Upper Case) : 10 மணி நேரம்
+ எண்கள், குறியீடுகள் (Num & Symbols) : 18 நாட்கள்
7 எழுத்துக்கள்
சிறிய எழுத்துக்கள் (Lower Case) : 4 மணி நேரம்
+ பெரிய எழுத்துடன் (Upper Case) : 23 நாட்கள்
+ எண்கள்,குறியீட்டுடன் (Num & Symbols) : 18 நாட்கள்
8 எழுத்துக்கள்
சிறிய எழுத்துக்கள் (Lower Case) : 4 நாட்கள்
+ பெரிய எழுத்துடன் (Upper Case) : 3 வருடங்கள்
+ எண்கள்,குறியீட்டுடன் (Num & Symbols) : 463 வருடங்கள்
9 எழுத்துக்கள்
சிறிய எழுத்துக்கள் (Lower Case) : 4 மாதங்கள்
+ பெரிய எழுத்துடன் (Upper Case) : 178 வருடங்கள்
+ எண்கள்,குறியீட்டுடன் (Num & Symbols) : 44,530 வருடங்கள்

thanks_____ 

Anas Abbas

உலகை ஆண்ட தமிழர்களின் வரலாறு!

உலகை ஆண்ட தமிழர்களின் வரலாறு!

தமிழனின் பிறப்பிடமும் தமிழ் மொழியின் பிறப்பிடமும் குமரிக்கண்டம் தான். அக்கண்டம் நீரில் மூழ்கிப் போனது. முச்சங்க வரலாற்றாலும் சிலப்பதிகார உரைகள் மூலம் தெரியலாம். திரு. இராமச்சந்திர தீட்சிதர் போன்றோரின் வரலாற்று நூல்கள் வாயிலாகவும், தேவநேயப் பாவாணர் எழுதிய “முதற்தாய் மொழி” வாயிலாகவும் நாம் நன்கறிகிறோம். தமிழன் தோன்றிய இடம் குமரிக்கண்டம் கையாண்ட மொழி தமிழ் மொழியாகும். பல்லாயிரம் ஆண்டுகளுக்குப் பின் படிப்படியாக வளர்ந்த தமிழும் தமிழனும் புகழின் உச்சக்கட்டம் எட்டினர், பழந்தமிழ் நாட்டை உலகிற்குச் சுட்டிக்காட்டினர்.

குமரிக்கண்டமும் அதன் எல்லைகளும் பழந்தமிழ் நாடாகிய குமரிக் கண்டம் அளவில் மிகப் பெரிதாக பரவியிருந்தது. ஆஸ்திரேலியாவையும் தென்னாப்பிரிக்காவையும் இந்தியாவையும் இணைத்துக் கொண்டிருந்த பெரும் நிலப்பரப்பே குமரிக் கண்டம் அல்லது பழந்தமிழ் நாடு அல்லது இலமூரியா கண்டம் என்கிறார் ஹிராடடஸ், இக்கருத்தை பேரறிஞர்கள் திரு.ஓல்டுகாம், திரு. எக்கேல், திரு. கிளேற்றர், திரு. கட்டு எலியட், திரு.தேவநேயப் பாவாணர் போன்றோர் ஏகமனதாக ஏற்றுக் கொண்டனர். மேலும் ஹிராடடஸ் அவர்கள் குமரிக்கண்டத்தின் எல்லையைக் குறிப்பிட்டுள்ளார்.

1. தொலைமேற்கில் – கிரேக்க நாடு
2. மேற்கில் – எகிப்து மற்றும் ஆப்பிரிக்கா
3. வடமேற்கில் – மென் ஆப்பிரிக்கா
4. தொலை கிழக்கில் – சீன நாடு
5. கிழக்கில் – பர்மா, மலேசியா, சிங்கப்பூர்
6. தெற்கில் – நீண்ட மலைத் தொடர்

இம்மலைத் தொடர் ஆஸ்திரேலியாவில் தொடங்கி தென்னாப்பிரிக்காவில் முடிவடைகிறது என்பதை மனதில் கொள்ள வேண்டும். இவற்றின் மையத்தில் அமைந்த மிகப் பெரிய கண்டமே குமரிக்கண்டம் அல்லது பழந்தமிழ் நாடு அல்லது இலமூரியா கண்டமாகும்.

இக்கண்டத்தை பதினான்கு மாநிலங்களாக அதாவது ஏழு தெங்கு நாடு, ஏழு பனை நாடு என பிரித்திருந்தனர். அந்நாட்டில் வாழ்ந்தவன் தான் தமிழன். அவன் கையாண்ட நாகரிகம்தான் திராவிடநாகரிகம். அவனுடைய வரலாறும் நாகரிகமும் தான் உலகிலேயே முதன்மை வாய்ந்தது. இவனுடைய மொழி தமிழ், தமிழர்கள் தமிழ்நாட்டிலிருந்து கடல் வழியாகவும், தரை மார்க்கமாகவும்உலகெங்கும் சென்று குடியேற்றங்களை அமைத்து தமிழ் மொழியையும், தமிழ்ப் பண்பாட்டையும், தமிழ்க் கலாச்சாரத்தையும் பாரெங்கும் பரப்பானர் என்பதே உண்மை. இதற்குச் சான்றாக பினீசியர்களின் நாணயங்களும் கல்வெட்டுக்களும் உதவுகின்றன. கம்போடியாவில் உள்ள உலகின் மிகப்பெரும் கோவிலையும் இதற்கு சான்றாக எடுத்துக்காட்டலாம்.

இங்குதான் உலகின் முதல் மனிதன் பிறந்ததாக வரலாற்று ஆய்வாளர்கள் தெரிவிக்கிறார்கள், இங்குதான் நம் மூதாதையர் வாழ்ந்தனர். இங்குதான் நாம் இன்று பேசிக்கொண்டிருக்கும் நம் தாய்த் தமிழ் பிறந்தது. இங்குதான் இன்னும் பல வரலாற்று அதிசயங்கள் நிகழ்ந்துள்ளன. ஆம், இதுதான் ” நாவலன் தீவு ” என்று அழைக்கப்பட்ட “குமரிப் பெருங்கண்டம்”.

கடலுக்கடியில் இன்று அமைதியாக உறங்கிக்கிகொண்டிருக்கும் இது, ஒரு காலத்தில் பிரம்மாண்டமாக இயங்கிக்கொண்டிருந்த ஒரு மாபெரும் தமிழ்க் கண்டம்! இன்று தனித்தனி நாடுகளாக உள்ள ஆஸ்திரேலியா, மடகாஸ்கர், தென்னாப்பிரிக்கா, இலங்கை,மற்றும் கிழக்கில் உள்ள சில சிறு, சிறு தீவுகளையெல்லாம் இணைத்தவாறு இருந்த ஒரு பிரம்மாண்ட நிலப்பரப்பு தான் “குமரிக்கண்டம்”. ஏழுதெங்க நாடு, ஏழுமதுரை நாடு, ஏழுமுன்பலை நாடு, ஏழுபின்பலை நாடு, ஏழுகுன்ற நாடு, ஏழுகுனக்கரை நாடு, ஏழுகுரும்பனை நாடு என இந்நிலப்பரப்பில் நாற்பத்தொன்பது நாடுகள் இருந்துள்ளன! பறுளி, குமரி என்ற இரண்டு மாபெரும் ஆறுகள் ஓடியுள்ளன!

குமரிக்கொடு, மணிமலை என இரண்டு மலைகள் இருந்துள்ளன! தென்மதுரை, கபாடபுரம், முத்தூர் என பிரம்மாண்டமான மூன்று நகரங்கள் இருந்தன. உலகின் தொன்மையான நாகரீகம் என்று அழைக்கப்படும் சுமேரியன் நாகரீகம் வெறும் நான்காயிரம் வருடங்கள் முந்தையது தான்.

நக்கீரர் “இறையனார் அகப்பொருள்” என்ற நூலில் மூன்று தமிழ்ச் சங்கங்கள் 9990 வருடங்கள் தொடர்து நடைபெற்றதாக கூறியுள்ளார். தமிழின் முதல் சங்கம் இந்த கடலடியில் உள்ள “தென்மதுரையில்” கி.மு 4440இல் 4449 புலவர்களுடன் , சிவன், முருகர், அகஸ்தியருடன் 39 மன்னர்களும் இணைந்து நடத்தப்பட்டது. இதில், “பரிபாடல், முதுநாரை, முடுகுருக்கு, கலரியவிரை, பேரதிகாரம்” ஆகிய நூல்களை இயற்றியுள்ளனர். இதில் அனைத்துமே கடற்கோளில் அழிந்துவிட்டன. இரண்டாம் தமிழ்ச் சங்கம் “கபாடபுரம்” நகரத்தில் கி.மு 3700இல் 3700 புலவர்களுடன் நடத்தப்பட்டது.

இதில், “அகத்தியம், தொல்காப்பியம், பூதபுராணம், மாபுராணம்” ஆகிய நூல்கள் இயற்றப்பட்டன. இதில் “தொல்காப்பியம்” மட்டுமே நமக்கு கிடைத்துள்ளது. மூன்றாம் தமிழ்ச் சங்கம் இன்றைய “மதுரையில்” கி.மு 1850 இல் 449 புலவர்களுடன் நடத்தப்பட்டது. இதில், “அகநானூறு, புறநானூறு, நாலடியார், திருக்குறள்” ஆகிய நூல்கள் இயற்றப்பட்டன.

வெளிக்கொண்டுவராத நம் வரலாற்றை, நாமே இந்த உலகிற்குப் பரப்புவோம். இனிமேல் நாம் 2000 வருடம் பழமையானவர்கள் என்ற பழங்கதையை விட்டு விட்டு 20,000 வருடத்திற்கும் பழமைவாய்ந்த உலகின் முதல் இனம் நம் தமிழினம் என்று பெருமையுடன் கூறுவோம்.

வரலாற்றுத் தேடல் தொடரும்..!

நமது குழந்தைகளின் உயிருக்கு ஆபத்து எச்சரிக்கை!

நமது குழந்தைகளின் உயிருக்கு ஆபத்து எச்சரிக்கை!

மார்ச் 25: ஜோன்சன் & ஜோன்சன் (Johnson & Johnson) கம்பெனியின் தயாரிப்புகளான பேபி ஆயில், சாம்பு, பவுடர், சோப்பு இவைகள் குழந்தைகளுக்கு பயன்படுத்தும் மிக நம்பகமான தயாரிப்பு என்று மக்களால் காலம் காலமாக நம்பப்பட்டு வருகிறது.

ஆனால் இந்த நிறுவனத்தின் தயாரிப்புகளை குழந்தைகளுக்கு பயன்படுத்தினால் குழந்தைகளுக்கு அலர்ஜி, ஆஸ்மா, கேன்சர், போன்ற நோய்களையும் சில நேரங்களில் உடனே மரணத்தை கூட உண்டாக்க கூடிய அளவுக்கு ஆபத்தானது என்பது தெரியவந்துள்ளது.

கேரளா உணவு தரக்கட்டுப்பாடு வாரியத்தில் இருந்து தொடரப்பட்ட வழக்குக்கு பின்னர் இந்த கம்பெனி சிறிய கண்ணுக்கு தெரியாத எச்சரிக்கை வாசகத்தை அதில் பிரிண்ட் செய்துள்ளது. இதை குழந்தைகள் தொட வேண்டாம் என்று எழுதி இருக்கிறார்கள். இதை குழந்தைகள் தெரியாமல் குடித்து விட்டாலோ அல்லது சுவாசித்தாலோ பெரிய ஆபத்து உண்டாக்கும் என்று எழுதி வைத்திருக்கிறார்கள்.

குழந்தைகளுக்கான தாயரிப்பு என்று சொல்லி விட்டு குழந்தைகளை தொடவேண்டாம் என்று சொல்வதில் இருந்து இதன் பயங்கர நச்சு தன்மையை நம்மால் புரிந்து கொள்ள முடிகிறது. இந்த நிறுவனத்தின் தயாரிப்புகள் அனைத்தும் சுத்திகரிக்கபடாத பெட்ரோல்களின் கழிவில் இருந்து தயாரிக்கப்படுவதாகும். இது குறித்து உலக அளவில் இயங்கும் சுகாதார நிறுவனங்கள் இந்த நிறுவனத்தின் தயாரிப்புகளை புறக்கணிக்கும்படி  வேண்டுகோள் விடுத்துள்ளன.

இதில் வேடிக்கை என்னவென்றால்  Johnson & Johnson தயாரிப்புகளை உபயோகப்படுத்தி அதன் மூலம் வரும் அலர்ஜி மற்றும் நோய்களுக்கு இந்த நிறுவனமே மருந்துக்களையும் தயாரித்து விற்கிறது. எப்படி கம்ப்யூட்டர்களை தயாரித்து விற்று விட்டு, அந்த கம்ப்யூட்டரை ரிப்பேர் ஆக்க வைரஸ்களை பரப்புவதும், அதை சரி செய்ய என்று ஆண்டி வைரஸ் வாங்குங்கள் என்று வியாபாரம் செய்வதும் போன்ற அதே கார்பரேட் கொள்ளைதான் மனித உயிர்களிலும் விளையாடுகிறது. அதுவும் ஒன்றும் அறியாத பச்சிளம் குழந்தைகளின் உயிரோடும் விளையாடுகிறார்கள்.

பெற்றோர்களே உஷார்! இந்த நாசகார ஜோன்சன் & ஜோன்சன் தயாரிப்புகளை புறக்கணிப்போம்! நமது குழந்தைகளை பல்வேறு நோய்களில் இருந்து பாதுகாப்போம்!

thanks:

தொடர்புகளுக்கு:

sinthikkavum@yahoo.com
puthiyathenral@gmail.com

இவர் எனக்கும் ஒரு பாடத்தை கற்றுக்கொடுத்துவிட்டார்...

கடந்த 4 நாட்களாக எனக்கு காலில் சுலுக்கு ஏற்பட்டு நடக்க முடியாமல் எழ முடியாமல் போய்விட்டது..... சனிக்கிழமை மாலை அருகில் இருந்த ஒரு பாட்டியிடம் சென்று காண்பி்த்தேன்.. ஏதோ மூலிகை தழைகளை கொண்டு உருவிவிட்டார்கள்,,,, செம வலி  தாங்க முடியல....

மறு நாள் சரியாகிவிடும் என்று கூறி வீட்டுக்கு அனுப்பினார்கள்...

மறுநாள் காலை எழவே முடியல... அப்போது எங்கள் வீட்டிற்கு வந்த ஒரு பாட்டியின் மூலம் ஒரு பெரியவர் அறிமுகமானார்....

அவரிடம் சென்று உறுவி விட்டாள் சரியாகிவிடும்  என்று சொல்லவே 50 மில்லி விளக்கு எண்ணெயுடன் சென்று அவரை பார்த்தேன்.....

சும்மா சொல்லக்கூடாது.. மணுசன் சரியான ஆள்... ஸ்ஸ்ஸப்பா முடியல பெண்டெடுத்தார்.....

இ்ங்கு நான் சொல்லவந்து இந்தக்க தை அல்ல... இந்த மனிதரை பற்றி தான்... நான் தொடர்ச்சியாக 3 நாள் உறுவ சென்றேன்.. ஆனால் கொஞ்சம் கூட சலித்துக்கொள்ளாமல் அவர் எனக்கு அக்கரையுடன் உறுவி விட்டார்...

நேற்று மாலை நான் உறுவ செல்லவில்லை.. ஆனால் அவர் என்னை தேடி என் வீட்டுக்கே வந்துவிட்டார்...

இன்று மாலை 99 சதவிகிதம் சரியாகிவிட்டது..

அவர் நாளை முதல் வழக்கமான பணிகளை செய்ய சொல்லிவி்ட்டார்....

இந்த 4 நாள் வைத்தியத்துக்கு அவர் சல்லி பைசா கூட வாங்கவில்லை.. ஏன் என்று தெரியவில்லை..

அம்மாவிடம் கேட்டதற்கு.. இதை அவர்கள் பெரும் புண்ணியமாக நினைத்து செய்வதால் பணம் வாங்குவதில்லை என்று கூறினார்...

ஆனால் இதற்கு கைமாறாக அவருக்கு நான் தக்க சமயத்தில் ஏதாவது உதவி செய்ய வேண்டும் என்று கூறினார்....

நான் யோசித்து பார்த்தேன்.. இதுவே ஒரு மருத்துவமனைக்கு சென்றிருந்தால் பல சோதனைகள் செய்து பார்த்து கடைசியில் சுலுக்கு பேண்டேஜ் ஒன்றை ஒட்டி விட்டு பணத்தை கறந்துவிடுவார்கள் அந்த படித்த வைத்தியர்கள்...

ஆனால் இவர்கள் தங்கள் முன்னோர் மூலமாகவோ அல்லது அல்லது இவரை போல சமுக மனப்பாண்மை கொண்டவர் மூலமாக கற்றுக்கொண்டிருப்பார்கள்...

இதனை கற்றுக்கொண்டதால் இது வரை எதுவும் சம்பாதிக்கவில்லை... ஆனாலும் யாரேனும் உதவி என வந்தால் முகம் சுழிக்காமல் உதவுகிறார்கள்...

இவர் எனக்கும் ஒரு பாடத்தை கற்றுக்கொடுத்துவிட்டார்...

தென்பெண்ணையிலும் கைவைத்த கர்நாடகா-விவசாயிகள் அதிர்ச்சி

தெண்பெண்ணை ஆற்றில், மின்மோட்டார் மூலம் நீரை உறிஞ்சி, மெகா குழாய் மூலம், 130 ஏரிகளுக்கு தண்ணீர் கொண்டு செல்லும் திட்டத்தை, கர்நாடகா அரசு துவங்கி உள்ளது. இதனால், தென்பெண்ணையாற்றை நம்பியுள்ள, ஐந்து மாவட்ட மக்கள் பாதிப்படையும் நிலையுள்ளது.

கர்நாடகா மாநிலம், "நந்தி ஹில்ஸ்' மலையில் உற்பத்தியாகும் தென்பெண்ணை ஆறு, கர்நாடகா மாநிலம் ஒசகோட்டா, முகுலப்பள்ளி வழியே, தமிழக எல்லையில் சிங்கசாதனப் பள்ளி என்னும் இடத்தில் நுழைந்து, பெலத்தூர், பாகலூர் வழியாக ஓசூர் அருகே கெலவரப்பள்ளி அணையில், தேக்கி வைக்கப்படுகிறது.இந்த அணையின் நீர் மட்டத்தை பொறுத்து, தென்பெண்ணை ஆற்றில் கிருஷ்ணகிரி கே.ஆர்.பி., அணைக்கு தண்ணீர் திறந்து விடப்படுகிறது. அங்கிருந்து, பாரூர் ஏரி வழியாக, திருவண்ணாமலை சாத்தனூர் அணைக்கு சென்று, விழுப்புரம் மாவட்டம் திருக்கோவிலூர் வழியாக கடலூர் மாவட்டத்தில் கடலில் கலக்கிறது. இந்த ஆறு தமிழகத்தில், 360 கி.மீ., பாய்ந்தோடுகிறது. இந்த ஆற்றை நம்பி, ஓசூர் கெலவரப்பள்ளி அணை மூலம், 8,000 ஏக்கர், கிருஷ்ணகிரி கே.ஆர்.பி., அணை மூலம், 9, 200 ஏக்கர், பாரூர் ஏரி மூலம், 2,500 ஏக்கர், சாத்தனூர் அணை மூலம், 23 ஆயிரம் ஏக்கர் உள்ளிட்ட, 43 ஆயிரம் ஏக்கர் பாசன வசதி பெறுகிறது.

காவிரி, பாலாற்றை போல், கடந்த காலங்களில் தென்பெண்ணையாற்றிலும், கர்நாடகா அரசு, அணை கட்ட ஆய்வு மேற்கொண்டது. இதற்கு, தமிழக அரசும், விவசாயிகளும் கடும் எதிர்ப்பு தெரிவித்தால், அணை கட்டும் முடிவை அம்மாநில அரசு கைவிட்டது.ஓசூர் அடுத்த தமிழக எல்லைக்கு முன், கர்நாடகா எல்லையான முகளூர் தத்தனூரில், தென்பெண்ணை ஆற்றில் குடிநீர் குழாய் மூலம், மின் மோட்டார்களை பயன்படுத்தி, அம்மாநிலத்தில் உள்ள, 130 ஏரிகளை நிரப்பும் புதிய குடிநீர் திட்டத்தை ஓசையில்லாமல், கர்நாடகா அரசு துவங்கியுள்ளது.

முதல் கட்டமாக இந்த திட்டத்தில் தென்பெண்ணை ஆற்றில், 24 மணி நேரமும் தண்ணீர் உறிஞ்சி, முகளூரில் தரைமட்ட கீழ் தொட்டியில் தண்ணீரை தேக்கி, அங்கிருந்து மண்ணுக்கு அடியில் குழாய் பதித்து, 11 கி.மீ., தொலைவில் உள்ள, 150 ஏக்கர் பரப்பில் உள்ள லக்கூர் ஏரிக்கு தண்ணீர் கொண்டு செல்லப்படுகிறது.படிப்படியாக, இந்த திட்டம், 129 ஏரிகளுக்கு விரிவுப்படுத்தி தண்ணீர் நிரப்ப கர்நாடகா அரசு நடவடிக்கை எடுத்துள்ளதாக கூறப்படுகிறது. இது குறித்து தமிழக பொதுப்பணித்துறை அதிகாரிகளிடம் கேட்டபோது, "இரு நாட்களுக்கு முன் அந்த திட்டத்தை துவங்கியதாக கேள்விப்பட்டோம். அந்த திட்டத்தை அரசு செய்யவில்லை. எம்.எல்.ஏ., கிருஷ்ணாசெட்டிதான் சொந்தமாக செய்துள்ளார். அதனால், தென்பெண்ணை ஆற்றில் எந்த பாதிப்பும் ஏற்படவில்லை. விரைவில் அந்த திட்டத்தால் எந்தளவு பாதிப்பு என ஆய்வு செய்யப்படும்' என்றனர்.

தென்பெண்ணையாறு மூலம், ஓசூர், கெலவரப்பள்ளி அணைக்கு, மழையில்லாத காலத்தில், சராசரியாக, 300 கன அடியும்; மழைக் காலத்தில், 10 ஆயிரம் முதல், 15 ஆயிரம் கன அடியும் தண்ணீர் வரத்து இருக்கும்.கர்நாடகா தென்பெண்ணை ஆற்றில் நீர் உறிஞ்சப்படுவதால், நேற்று, 120 கன அடியாக நீர் வரத்து குறைந்ததால், விவசாயிகள் அதிர்ச்சியடைந்துள்ளனர். அணை கட்டாமல் தொடர்ந்து இந்த நீர் உறிஞ்சும் திட்டத்தை, கர்நாடகா அரசு விரிவுப்படுத்தினால், தமிழகத்துக்கு வரும் தென்பெண்ணை ஆறு, வறண்டு விடும் எனவும், கர்நாடகா அரசு ஆதரவின்றி, எம்.எல்.ஏ. கிருஷ்ணாசெட்டி அந்த திட்டத்தை செயல்படுத்த முடியாது என, தமிழக விவசாயிகள் தெரிவித்தனர்.

நேற்று முன்தினம் ஓசூர் அருகே கர்நாடகா எல்லையான முகளூரில் நடந்த இந்த புதிய குடிநீர் திட்டத்தை மாலூர் பா. ஜ.,- எம்.எல்.ஏ., கிருஷ்ணா செட்டி திறந்து வைத்து பேசுகையில், ""கர்நாடகா அரசு ஒத்துழைக்காவிட்டாலும், நான் என்னுடைய சொந்த செலவில் இந்த திட்டத்தை மேலும் விரிவுப்படுத்துவேன். இதற்காக நான் எதையும் சந்திக்க தயராக உள்ளேன்,'' என்றார்.இந்த நிகழ்ச்சியில், அம்மாநில பொதுப்பணித் துறை அதிகாரிகள், விவசாயிகள் ஏராளமானோர் கலந்து கொண்டனர்.
நன்றி தினமலர்... மின்இதழ்

உங்கள் போராட்டம் இதோடு நிற்காமல் தொடர என் ஆதரவுகள்...

இலங்கை அரசின் இனப்படுகொலையை கண்டித்து அந்நாட்டின் மீது பொருளாதார தடைவிதிக்க கோரி கடந்த 4 நாட்களாக சாகும் வரை உண்ணாவிரதம் இருந்து லயோலா கல்லூரி மாணவர்களை இன்று அதிகாலை தமிழக அரசின் காவல்துறை மாணவர்களின் உடல்நிலையை காரணம் காட்டி அவர்களை கைது செய்து கட்டாயடுத்தி  சென்னை ராயப்பேட்டை அரசு மருத்துவமனையில் அனுமதித்துள்ளனர்..


உடன் இருந்த சக மாணவர்களை சமுதாய நல கூடத்தில் தங்க வைக்கப்பட்டுள்ளனர்....  8 மாணவர்களின் உயிர் காக்கப்பட்டது சந்தோசமான விசயம் தான் ஆனால் இதை காவல்துறை நேற்று பகலில் செய்யாமல் இரவோடு இரவாக அப்புறபடுத்தியதன் அவசியம் என்ன...


அங்கு போடப்பட்டு இருந்த நாற்காலிகளை போலிஸார் அடித்து உடைத்தாக மாணவர்கள் கூறுவதாக செய்திகள் கூறுகின்றன.  இதை பார்க்கும் போது எங்கோ இடிக்கிறது...  இந்த 4 நாட்களாக மாணவர்களின் உண்ணா போராட்டத்திற்கு கிடைத்த ஆதரவு ஆட்சியாளர்களுக்கு பீதியை கிளப்பி இருக்குமோ என தெரியவில்லை... எது எப்படியோ 4 மாணவர்களின் உயிர் காப்பாற்றபட்டுள்ளது..

மாணவர்கள் மீண்டும் இது போன்ற போராட்டங்களை கைவிட்டுவிட்டு  வேறு போராட்டங்களை நடத்தலாம்.. தயவு செய்து உண்ணா போராட்டத்தை மீண்டும் கையில் எடுக்காதீர்கள்..  இந்த கைது ஒரு வகையில் அரசுக்கு உங்கள் மீது இருக்கும் அக்கரையாக தோன்றுகிறது.. போக போக உண்மை தெரியவரும்...
உங்கள் போராட்டம் இதோடு நிற்காமல் தொடர என் ஆதரவுகள்...

குடியரசு தலைவரின் அதிகாரங்கள், பொறுப்புகள் பற்றிய ஒரு பார்வை

இந்தியாவின் முதல் குடிமகன், நாட்டின் உயரிய பொறுப்பாக கருதப்படும் குடியரசு தலைவருக்கு அரசியல் சட்டம் வழங்கியுள்ள அதிகாரங்கள், அவரின் பொறுப்புகள் குறித்து தெரிந்துகொள்வோம்.

பிரிட்டன் அரசியல் சாசனத்தின் முக்கிய அம்சங்களை தன்னகத்தே கொண்ட இந்திய அரசியல் அமைப்புச் சட்டப்படி, குடியரசு தலைவர் பதவி, பிரிட்டன் அரசருக்கு நிகரானது. இந்திய அரசின் தலைமை நிர்வாகியான குடியரசு தலைவரின் பெயரில் தான் மத்திய அரசு இயங்குகிறது. மேலும் குடியரசு தலைவர் முப்படைகளின் தலைவராகவும் இருப்பார்.

பிரதமர் முதல் மத்திய அமைச்சர்கள் வரை அனைவருக்கும் பதவிப் பிரமாணம் செய்து வைக்கும் குடியரசு தலைவரின் ஒப்புதலை பெற்றே மத்திய அரசு, நிர்வாகத்தில் உள்ள முக்கிய நபர்களை நியமிக்கவும், நீக்கவும் செய்கிறது.

நாடாளுமன்றம் இயற்றும் எந்த ஒரு சட்டமும், குடியரசு தலைவரின் ஒப்புதலுக்கு பிறகே சட்டமாகிறது.
முக்கிய ஒப்புந்தங்களுக்கும் குடியரசு தலைவரின் ஒப்புதல் தேவை. கைதிகளின் தண்டனையை குறைக்கவும், தண்டனையை ரத்து செய்யவும் குடியரசு தலைவருக்கு முழு அதிகாரம் உண்டு. மத்திய அரசையும், மாநில அரகளையும் நீக்கும் அதிகாரமும் குடியரசு தலைவருக்கு உள்ளது.

குடியரசு தலைவரின் பெயரால் மத்திய அரசு செயல்பட்டாலும், தனியாக முடிவெடுக்கும் அதிகாரம் எதுவும் அவருக்கு இல்லை. சட்டங்கள் இயற்றுவது முதல் அரசின் முடிவுகள் அனைத்துமே அமைச்சரவையை சார்ந்ததே. அதே சமயம், மத்திய அரசுக்கு பெரும்பான்மை இல்லாத நேரங்களில் குடியரசு தலைவரின் முடிவு முக்கியமானது.

அரசு அமைக்க உரிமை கோருபவர்களில் யாருக்கு பெரும்பான்மை இருக்கிறது என்பதை முடிவு செய்வதில் குடியரசு தலைவரின் பங்கு முக்கியத்துவம் பெறுகிறது. தேர்தல் முடிந்து எந்த கட்சிக்கும் பெரும்பான்மை இல்லாத நிலையில் குடியரசு தலைவர் முக்கியமான முடிவை எடுத்த வரலாற்று பதிவுகளும் இந்தியாவில் உண்டு.
உலகின் மிகப்பெரிய ஜனநாயக நாடான இந்தியாவின் தலைமை பொறுப்பு என்ற பெருமையையும் குடியரசு தலைவர் பெற்றிருக்கிறார்.

மின் ஊழியரின் அராஜகம்..... நேரடி ரிப்போர்ட்.

இன்று காலை பிளஸ் டூ முடிவுகள் வெளியானது. வழக்கமா பத்தாவது பிளஸ் டூ போன்ற பொதுத்தேர்வுகளை காலை பத்து மணிக்கு தான் வெளிடுவாங்க. ஆனா இந்த வருசம் வித்தியாசமா காலை பதினோரு மணிக்குதான் தேர்வு முடிவுகளை வெளியிட்டார்கள். இது தெரியாமல் காலை எழுந்து பல்லை கூட விளக்காமல் தேர்வு முடிவுகளை பார்க்க இன்டர்நெட்டை ஓபன் செய்து ரிஜிஸ்டர் நம்பர்லாம் கொடுத்து எண்டர் கொடுத்தால ரிசல்ட் அன்நவுன் என வந்த து.

என்னடா இது வழக்கமா ஒன்பது மணிக்கு கட் ஆகுற கரண்ட் கூட இன்னிக்கி கட் ஆகல. ஆனா இன்னும் ரிசல்ட் வரலையேனு கடுப்பானேன். சரி எழுந்து பல்ல கூட வுட்காந்து இருக்கோமே போய் பல்ல விளக்கிட்டு காபி குடிச்சிட்டு வந்து பார்க்கலாமேனு கிளம்பி சென்று எல்லா வேலைகளையும் முடித்துவிட்டு வந்து பார்த்தபோதுதான் நான் அந்த உண்மையை புரிந்துகொண்டேன்.

என்னை நானே திட்டிகொண்டு இருக்கும்போது பவர்கட் ஆனது. பவர் கட் ஆகும்போது சரியாக மணி பத்தே முக்கால். வழக்கமா கரண்ட் கட் ஆகிற நேரம் இல்லையாதலால் உடனடியாக வந்துவிடும் என எண்ணி சிஸ்டமை ஷட்டவன் செய்துவிட்டு காலை நாளிதழ் படிக்க ஆரம்பித்தேன். மணி பதிணொன்று, பதிணொன்னேகால் ஆகியும்  பவர் வரலை சரி பவர் ஷ்டாரை காண்டாக்ட் பண்ணலாம் என்றாலும் மொபைலில சார்ஜ் வேறு இல்லை. என்ன இன்னிக்கி எவ்வளோ முக்கியமான நாள் இன்னிக்கி போய் இப்படி கரண்ட் கட் பண்ணிட்டாங்களே என்ற வருத்த்த்துடன், என் அப்பா மூலம் ஈபி யை காண்டாக்ட் செய்து கேட்டபோதுதான் புது மாமியாரின் வில்லங்கம் புரிந்த து.

அதாவது என்ன ன்னா வழக்கமா பகல் பணிக்கு வரும் நபர் இன்று வரவில்லையாம். அதுமட்டும் இல்லாமல் எந்த ஒரு தகவலையும் கொடுக்கலையாம். இதனால் சர்க்கில் அதிகாரி இரவுப்பணி பார்த்தவரை ஒரு ஒருமணிநேரம் சேர்த்து பார்க்க சொல்லி இருக்கார். அவரும் இந்த டீலிங்குக்கு ஒப்புக்கொண்டு பணியை தொடர்ந்கிருக்கார். ஆனால் மணி பதினொன்றை நெருங்கியும் ஆள் வராத்தால் அவரு ரொம்ப கடுப்பு ஆகி பத்தே முக்காலுக்கெல்லாம் கரண்ட்டை கட் செய்துவிட்டு டாஷ்மார்கை ஏற்றிக்கொண்டு படுத்துவிட்டார்.

இதை அலுவலக ஊழியர் ஒருவர் எஸ் எஸுக்கு சென்றுபார்த்து விட்டு வந்து சொன்னது. எங்க ஊர் கிராம ம் என்பதால் யாரும் எதையும் கண்டுக்கவில்லை. இதனால் மிகவும் இன்று கஷ்டப்பட்டது பிளஸ் டூ பசங்கதான். ஒரு வழியா கரண்ட் வந்த பிறகு ரிசல்ட் பார்த்தேன். மூணு பாடம் புட்டுக்கிச்சி.  சத்தமில்லாமல் சம்பந்தபட்டவருக்கு போன் மூலம் தகவல் சொல்லிவுட்டு போனை ஸ்வுட்ச் ஆப் செய்துவிட்டு சிபி செந்தில் அண்ணாவின் சென்னை மெகா டுவிட் டப் படிக்க சென்றுவிட்டேன்

நாய் வளர்த்தால் அபராதமா ?

இன்று கலை ஒரு  பிரபல நாளிதழில்
வெளிவந்த செய்தி மிகவும் அதிர்ச்சியையும்  ஆச்சரியத்தையும் தந்தது . 

மிக முக்கியமான செய்தி என்பதால் படுக்கையில்  இருந்த படியே படித்தேன். 

 இத்தாலி அரசாங்கம்  மாநகர் மற்றும் நகரபகுதி வளர்ச்சிக்காக நிதி திரட்டும்
நோக்கத்தில்
நாய்கள், பூனைகளுக்கு புதிய வரி விதிக்க தீர்மானித்து இருக்கிறது .  பாராளுமன்ற ஆலோசனை குழு இந்த முடிவை அறிவித்து இருப்பதாகவும் ,
இதனால் அந்த ஊர் பொதுமக்கள் மத்தியில் கடும் கொந்தளிப்பும்  எதிர்ப்பும் கிளம்பி இருப்பதாகவும் , இதனை அறிந்த இத்தாலி அரசாங்கம்  உடனடியாக அந்த அறிவிப்பை திரும்ப பெற்றுவிட்டதாகவும் சொல்லியது அந்த
நாளிதழ்.

நல்ல வேலை இந்த மாதிரியான கேணத்தனமான அறிவிப்பை நம்ம ஊர் வெள்ளை வேட்டி நாட்டாமைகள் யாரும் சொல்லவில்லை. இதனால் இப்போதைக்கு கொஞ்சம் நிம்மதியாக நாங்கள் நாய் வளர்ப்பில் ஈடுபடலாம் .
ஏன்னா அவங்களை போல நமக்குள் எந்த ஒரு ஒற்றுமையும் கிடையாது .
ரோட்டில் தான் உண்டு தன் வேலை உண்டு என சிவனேன்னு நடந்து செல்லும்
 நாயை கண்டாலே  கல்லெறியும் நம் மக்களை இந்த மாதிரி எந்த அறிவிப்பு வெளியானாலும் ஒன்னும்
செய்ய முடியாது. நமக்கென்ன அது நாய் வளர்க்கிரவங்களுக்கும் அவங்களுக்கும் உள்ள பிரச்சினை

என சொல்லி அவன்காவங்க வேலையை பார்க்க போய்டுவாங்க .